أول ظهور للسيدة المسنة التي تهجم عليها سائق التوك توك بمركز أبو حماد الشرقية ،
أول ظهور للسيدة المسنة التي تهجم عليها سائق التوك توك بمركز أبو حماد الشرقية ، ولله ما هتصدقوا قالت ايه
السلام عليكم ، أحكي للناس تفاصيل اللي حصل معاكي من البداية .. وألف سلامة عليكي
– أنا ببيع خضار وكده وبحب أطلع وأتمشى للسوق كل يوم ع الصبحية كده، بس حسيت نفسي تعبت فقومت شاورت للولد اللي في التوك توك وهو كان ماشي في نفس الطريق.
بعدما وصلنا قومت مطلعة 10 جنيه من الشنطة، راح هو مسكها وقالي: إيه ده؟ قولتله معلش يا ولدي ماهو أنا في سكتك وركبت معاك فجأة لقيته اتعصب وفضل يزعق، قالي: انتي بتستهبلي عالصبح؟ وراح شاتمني بألفاظ مش كويسة
أنا أول ما شوفته كده روحت قولتله: روح الله يسهلك يا ولدي،
المهم بعدها نزلّي من التوك توك وفضلنا نزعق والناس يسألوا فيه إيه. أنا شوحتله بإيدي وكنت ماشية، وهو راح للتوك توك. أنا قولت هو كمان هيمشي، بس لقيته ساحب حاجة في إيده وبيتهجم عليا، وراح ضا.ربني ومو.قعني على الأرض.
– كل ده علشان قولتيله حسبي الله ونعم الوكيل؟ يعني لا غلطتي فيه ولا شتمتيه؟
لا والله ، أنا مبعرفش أشتم أصلًا، الحمد لله بصلي وأعرف ربنا كويس
– اتعورتي؟
لا مش أوي، بس إيديا وضهري وجعني من امبارح، وجابولي علاج ودهان
– حررتي محضر ولا عملتي إيه ؟
لا، معملتش حاجة، روحت عالبيت ولا
وبعدها حلفوا إنهم مش هيسكتوله ولازم يجيبوه، وكلموا جواز بناتي وراحوا كلهم على الأماكن هناك وطلبوا من الناس يشوفوا الكاميرات، وطلعوا الفيديو بتاعي ده اللي كان على النت
– يعني أنتي أصلًا مكنتيش هتعملي محضر فيه؟
لا والله مكنتش هعمل حاجة، وقولت ربنا يسامحه علي الي عمله ومرضتش أذيه، تلاقيه
وودوني بعدها المستشفى، والدكتور قال لازم تعملي محضر طبعًا وتثبتي الواقعة. وبالليل لقيت الظباط جايين يطمنوا عليا ويسألوني عن اللي حصل، وقالولي أنهم قبضوا عليه ، وخدوني على القسم علشان يثبتوا الواقعة وأشوفه
أنا أول ما روحت هناك لقيتهم قابضين عليه وحاطينه في الحجز، وأول ما شوفت منظرة جسمي رجف ود.معت بصراحة، صعب عليا، بس عيالي قالوا برضو لا، حتى لو أمي سامحت في حقها، إحنا مش هنسامح، ولازم يبقى عبرة علشان محدش يمد إيده تاني على ست غلبانة
– يعني بعد كل الي حصلك صعب عليكي؟
أه ولله وصعبان عليا لحد دلوقتي وياريت لو يطلعوه
