مرض هبه مجدي
أنا تعبانة ومش هقدر أتكلم.. ده اللي قالته هبة مجدي بعد تكريمها في مهرجان دير جيست 2026 وطبعا قلقت جمهورها ومتابعينها من تاني وخصوصاً إنها أعلنت من أيام تعافيها من الداء الخبيث.. تعالوا نعرف التفاصيل
هبة مجدي لما اسمها اتقال في حفل الدير جيست علشان تطلع تستلم جائزتها، قامت من مكانها وسط فرحة وتصفيق الحاضرين، لكن لحظة قيامها كانت كفاية علشان كل اللي حواليها يلاحظوا إنها لسه بتعاني من التعب ومش قادرة تتحرك بسهولة.
هبة مجدي كانت موجودة في الحفل علشان تتكرم عن مشوارها الفني، ورغم حالتها الصحية، أصرت تحضر وتقف وسط زملائها وجمهورها في واحدة من اللحظات اللي كان المفروض تكون كلها فرحة واحتفال.
لكن وهي بتقوم من على الكرسي علشان تطلع تستلم الجائزة، احتاجت مساعدة اللي حواليها، وفضلوا يسندوها وهي في طريقها للمسرح، خصوصًا أثناء طلوع السلم، لأنها كانت بتتحرك بصعوبة واضحة.
ولما وصلت لمكان التكريم، استلمت الجائزة وهي مبتسمة وفرحانة، لكن ما قدرتش تقف تتكلم زي باقي الفنانين اللي تم تكريمهم، واكتفت إنها تستلم الجائزة وتنزل على طول.
والموقف نفسه كان مؤثر، لأن هبة كانت واضحة إنها بتحاول تستمتع باللحظة على قد ما تقدر، رغم إن التعب كان ظاهر عليها، خصوصًا إنها كانت من بدري بتستعد للحفل، وده مجهود كبير عليها في الوقت الحالي.
وهبة مجدي بتمر حاليًا بفترة صـ.ـحية صعبة، وده خلّى ظهورها في الحفل ياخد اهتمام أكبر من مجرد تكريم فني.. لأن الجمهور كان شايف فنانة بتحاول تحضر وتشارك وتفرح بتقدير الناس ليها، رغم الظروف اللي بتمر بيها.
واللافت كمان إن فرحتها بالجائزة كانت واضحة جدًا.. ابتسامتها وهي ماسكة التكريم كانت بتقول إنها مقدرة اللحظة، حتى لو مقدرتش تعبر عنها بكلمة طويلة.
وفي الوقت اللي كان فيه باقي الفنانين بيطلعوا يتكلموا ويشكروا الجمهور والمنظمين، هبة اختارت تختصر كل حاجة.. استلمت جائزتها، ابتسمت، ونزلت علشان ترتاح.
وتكريم هبة مجدي جه في توقيت مهم بالنسبة لها، لأنها محتاجة فعلًا تشوف تقدير الناس لمشوارها، خصوصًا وهي بتمر بمرحلة صعبة وبتحاول تتعامل مع ظروفها الصـ.ـحية.
يمكن هبة مجدي مقدرتش تقول كلمة على المسرح.. لكن مجرد حضورها واستلامها للجائزة رغم التعب كان في حد ذاته لحظة لافتة، خلت الحاضرين والجمهور يحتفلوا بيها ويدعموها في الوقت اللي هي محتاجة فيه الدعم أكتر من أي وقت.
