جوزي وزنه

جوزي ووزنه 280 كيلو ورغم اعتراض أهلي علية ونظرات الناس اللي كلها ذهول في ليلة فرحنا، حماتي وقفت فجأة قدام كل الناس وصړخت بصوت هزّ القاعة كلها ابني متجوزكيش علشان بيحبك ده اتجوزك لسبب تاني خالص، ولو عرفتي الحقيقة هتكرهي اليوم اللي وافقتي فيه عليه!
أنا عندي 27 سنة، وجوزي اسمه محمود، وعنده 38 سنة، ووزنه بيقرب من 280 كيلو.
من أول يوم عرّفت فيه أهلي على محمود، وأنا شايفة الصدمة في عيونهم، وكأنهم مش قادرين يستوعبوا إزاي بنت في سني وجمالي تختار تتجوز راجل بالحجم ده.
أمي كانت أكتر واحدة رافضة الجوازة، وفي يوم دخلت عليّا أوضتي، وقعدت جنبي، ومسكت إيدي وقالتلي والدموع مالية عينيها
يا بنتي، إنتِ لسه صغيرة وجميلة، وقدامك مستقبل وحياة طويلة إزاي تقبلي تتجوزي راجل بالشكل ده؟ إنتِ متأكدة إنك مش بتضيعي عمرك بإيدك؟
بصيتلها وابتسمت، رغم إن كلامها وجعني، ورديت عليها بثقة
يا ماما، أنا مش بتجوز شكله ولا وزنه، أنا بحب محمود، واللي بيني وبينه أهم من أي حاجة الناس شايفاها.
كنت مقتنعة بكلامي، أو يمكن كنت بحاول أقنع نفسي إن الحب لوحده كفاية عشان يعدّي أي اختلاف.
كنت بشوف في محمود حاجات محدش غيري بيشوفها، حنيته واهتمامه بيا وطريقته في احتوائي، وكنت فاكرة إن اختياري ليه هو القرار الصح مهما كان رأي الناس.
ورغم اعتراض أهلي ونظرات اللي حوالينا، قررت أكمل وأتجوزه.
لحد ما جه اليوم اللي استنيته طول عمري
يوم فرحي!
القاعة كانت متزينة بالورد الأبيض، والمزيكا شغالة، وأغاني الفرح مالية المكان، وحوالي 150 شخص من العيلتين والأصحاب والجيران قاعدين مستنيين يشوفونا.
كنت لابسة فستان أبيض، وحاسة إني أميرة في ليلة من ألف ليلة وليلة، ومحمود كان قاعد جنبي، ماسك إيدي وبيبتسملي.
كل حاجة كانت ماشية زي ما خططنا، لحد ما خرجنا من قاعة كتب الكتاب بعد ما المأذون كتب كتابنا، وبدأنا نستقبل تهاني المعازيم.
ساعتها بدأت ألاحظ نظرات الناس.
اتنين واقفين بعيد بيضحكوا وهما بيبصولنا، وست كانت بتهمس لصاحبتها، وشاب رفع موبايله وبدأ يصورنا من غير ما يستأذن!
حسيت بالإهانة، لكن تماسكت وفضلت مبتسمة، وشديت على إيد محمود أكتر، وقلت لنفسي إن محدش من دول هيقدر يبوظ فرحتي.
لكن للأسف، كنت لسه معرفش إن اللي مستنيني جوه القاعة هيكون أسوأ بكتير.
بعد ما بدأ الفرح،
والضيوف اتوزعوا على الترابيزات، كنت قاعدة جنب محمود وبحاول أعيش اللحظة بكل تفاصيلها.
وفجأة
سمعت صوت كرسي بيتزحزح پعنف!
لفيت ورايا، لقيت حماتي، أم محمود، واقفة، وملامحها متغيرة تمامًا، وعينيها مثبتة عليّا.
رفعت صوتها لدرجة إن المزيكا اختفت وسط صړختها
استنوا كلكم! قبل ما الفرح ده يخلص، فيه حقيقة لازم العروسة تعرفها!
الناس سكتت، وأنا بصيتلها باستغراب وسألتها
فيه إيه يا طنط؟ حصل حاجة؟
ضحكت بسخرية، وقالت بصوت أعلى
إنتِ فاكرة نفسك إن ابني بيحبك؟! فاكرة إنه اختارك عشان جمالك ولا عشان شخصيتك؟! فوقي يا بنتي ابني مش بيحبك أصلًا، هو اتجوزك علشان حاجة واحدة بس!
حسيت إن الأرض اختفت من تحت رجليا.
كل المعازيم بصوا ناحيتي، وواحدة من قرايبي حطت إيدها على بقها من الصدمة.
حاولت أتكلم، لكن صوتي اختفى.
بصيت لمحمود، وكنت مستنية منه يقوم ويدافع عني، أو حتى يقول لأمه إنها تجاوزت حدودها.
لكنه كان قاعد ساكت!
والأغرب من سكوته إن ملامحه مفيهاش أي اندهاش، بالعكس، كان هادي بشكل خلاني أخاف أكتر.
رفع عينيه لأمه وقال بلهجة حاسمة
يا ماما، أنا طلبت منك متقوليش أي حاجة لحد بكرة!
اتجمدت مكاني!
بصيتله وأنا مش مصدقة اللي سمعته، وسألته بصوت مرتعش
بكرة إيه يا محمود؟! إنت بتتكلم عن إيه؟! وإيه الحاجة اللي إنت محتاجني علشانها؟!
مد إيده ناحيتي، لكني رجعت لورا وقلتله
متلمسنيش أنا عايزة أفهم! إنت مخبي عني إيه من أول يوم؟!
محمود أخد نفس طويل، وبصلي بنظرة غريبة، وبعدها قال
يا منى، أنا عارف إن اللي هقولهولك هيغير كل حاجة بس لازم تسمعيني للآخر. أنا اتجوزتك لسبب، وعمري ما كنت متخيل إن اللحظة دي هتيجي بالطريقة دي.
صړخت حماتي من مكانها
كفاية تمثيل يا محمود! البنت دي لازم تعرف الحقيقة قبل ما تضيع حياتها معاك!
وبسرعة فتحت شنطتها وطلعت ظرف كبير وسميك.
رفعته قدام الموجودين وقالت پغضب
أنا تعبت من السكوت! بكرة هيكون فات الأوان، وساعتها مش هينفعها الندم!
وبعدين قربت من الترابيزة ورمت الظرف قدامي.
بصيت للظرف، وبعدين بصيت لمحمود، وسألته
إيه اللي جواه؟ وليه أمك بتقول إن بكرة هيكون فات الأوان؟!
محمود نزل عينيه للأرض، وسكوته كان كأنه اعتراف بحاجة أكبر من قدرتي على الاستيعاب.
مديت إيدي المرتعشة وفتحت الظرف.
كان جواه مجموعة أوراق، وصور، ومستندات رسمية.
لكن
أول ما عيني وقعت على أول ورقة، حسيت إن الډم اتسحب من عروقي، وإني مش قادرة آخد نفسي!
رفعت عيني ببطء ناحية محمود، وقلت بصوت مبحوح
إيه ده يا محمود؟! إنت كنت عارف إن ده موجود؟!
رد عليّا بجملة واحدة خلتني أقوم من مكاني وأرجع لورا وأنا بعيط
أنا كنت مستني أتجوزك الأول عشان أقدر أقولك الحقيقة!
وفي اللحظة دي فهمت إن جوازي من محمود مكانش زي ما تخيلت أبدًا، وإن السر اللي مخبيه عني ممكن يغير حياتي للأبد!
انجي_الخطيب
أنا كنت مستني أتجوزك الأول عشان أقدر أقولك الحقيقة! فضلت واقفة مكاني، والورق بيترعش بين إيديا، وعيني بتتنقل بين المستندات والصور، وأنا مش قادرة أستوعب اللي قدامي. كان فيه عقد بيع، وتوكيل رسمي، وصورة لبيت قديم، وكشف حساب بنكي، وفي آخر الورق صورة ست كبيرة في السن، واقفة قدام مستشفى، وحاضنة طفل صغير. رفعت عيني لمحمود، وقلت بصوت مخڼوق إنت كنت بتخطط لإيه من ورايا؟! محمود حاول يتحرك ناحيتي، لكنه وقف لما شافني برجع لورا. قال بهدوء منى، اقعدي واسمعيني، والله العظيم أنا مش عايز أظلمك ولا أوجعك. ضحكت وسط دموعي وقلت بعد إيه؟! بعد ما اتجوزتني وخليتني أقف قدام الناس كلها وأدافع عن اختيارك؟ بعد ما خليتني أواجه أهلي ونظراتهم وكلامهم؟ إنت كنت بتضحك عليّا طول الوقت؟ حماتي، اللي اسمها نوال، ضړبت بإيديها على الترابيزة وقالت أيوه! كان بيضحك عليكي! وأنا من أول يوم وأنا بحذره منك، لكنه كان مصمم يكمل في لعبته! محمود لف ناحيتها وقال پغضب كفاية يا أمي! إنتِ مش هتتكلمي عن حاجة إنتِ متعرفيش عنها نص الحقيقة! ردت عليه وهي بتضحك بسخرية أنا معرفش؟! أنا أمك يا محمود! أنا اللي ربيتك وعارفة إنت بتفكر في إيه! بصيت للورق تاني، ووقفت عند مستند عليه اسم والدي. اتجمدت. اسم والدي كان مكتوب في عقد قديم، وتحت اسمه توقيع أعرفه كويس. أبويا! حسيت بدوخة شديدة، ومسكت طرف الترابيزة عشان ما أقعش. إيه علاقة أبويا بالموضوع ده؟! محمود غمض عينيه للحظة، وكأنه كان مستني السؤال ده من أول ما دخلنا القاعة. وبصلي وقال أبوكِ كان صاحب فضل كبير عليّا وعلى عيلتي، وأنا بدور على طريقة أردله الجميل من سنين. صړخت فيه فضل إيه؟! وإيه اللي يخليك تتجوزني عشان ترد جميل لأبويا؟! أنا مش هدية يا محمود! أنا بني آدمة وليا مشاعر! هز راسه بسرعة وقال عارف، وعمري ما شوفتك هدية
ولا وسيلة، لكن الموضوع أكبر من كده بكتير. في اللحظة دي، أبويا
قام من مكانه واتقدم ناحيتنا. كان وشه متغير، وعينيه مليانة ڠضب وصدمة. خطڤ الورق من إيدي، وفضل يقلب فيه بسرعة، ولما وصل لآخر صفحة، رفع عينيه لمحمود وقال إنت وعدتني إنك مش هتفتح الموضوع ده غير لما تكون جاهز تقوله لمنى بنفسك! أنا بصيت لأبويا پصدمة. بابا؟! إنت كمان عارف؟! أبويا سكت. والسكوت ده كان أقسى من أي إجابة. قربت منه وقلت يعني إنتوا الاتنين كنتوا عارفين؟! كل الناس دي كانت بتتفرج عليّا وأنا آخر واحدة تعرف الحقيقة؟! أبويا حاول يمسك إيدي، لكني سحبتها. يا بنتي، اسمعيني قاطعته وأنا بعيط متقوليش يا بنتي! إنت المفروض أكتر واحد كان يحافظ عليّا! إزاي تسمح إن بنتك تدخل جوازة وهي مش عارفة حقيقتها؟! محمود نزل راسه وقال الغلطة غلطتي أنا يا منى، متلوميش والدك. بصيتله وقلت وأنا ألوم مين؟! إنت ولا أبويا ولا الست اللي واقفة بټفضحني في ليلة فرحي؟! حماتي قربت مننا وقالت أنا هقولك الحقيقة اللي محدش فيهم عنده الشجاعة يقولها! محمود اتجوزك عشان أبوكي كان عنده سر قديم، والسر ده متعلق بفلوس وعقارات وورث كبير! محمود رفع صوته أمي! لكنها كملت من غير ما تبصله أبوكِ كان شريك أبو محمود في أرض كبيرة، والأرض دي اتباعت من سنين، وفي فلوس اختفت، وابني اتظلم بسبب الموضوع ده. دلوقتي محمود عايز يرجع حقه، ومش هيعرف يعمل كده غير لما يبقى جوزك! حسيت إن قلبي وقع في رجليا. بصيت لمحمود، وقلت هو ده السبب؟! اتجوزتني عشان فلوس؟! هز راسه بقوة لا، الكلام ده مش حقيقي. قلتله طب الورق ده بيقول إيه؟! رد بيقول إن فيه أرض اتسجلت باسمك من أكتر من عشرين سنة، وإن الأرض دي ليكي حق فيها، وأنا كنت بحاول أوصلك الحقيقة قبل ما حد يقدر يستولي عليها. ضحكت بمرارة يعني أنا بقيت صاحبة أرض ومش عارفة؟! أبويا أخد نفس طويل وقال الأرض دي كانت ملك جدك من ناحية أمك، وكان فيه ڼزاع عليها من سنين طويلة. جدك كتب جزء منها باسمك وإنتِ لسه طفلة، وأنا احتفظت بالأوراق لحد ما تكبري، لكن حصلت مشاكل، وأوراق كتير اختفت. بصيتله باستغراب وليه مخبي عني كل ده؟ قال بحزن كنت خاېف عليكي من الطمع ومن الناس اللي ممكن تقرب منك عشان الفلوس. نوال ضحكت بصوت عالي يا سلام! بقى كل ده عشان خايفين عليها؟! طب قولوا بقى إن محمود دخل الجوازة دي عشان يقدر يتحكم في الأرض بعد ما بقى زوجها! محمود بص لأمه بنظرة حادة وقال إنتِ عارفة كويس إن الأرض دي مش ليا، وإن منى مالكة فيها بحكم القانون، وإن أنا موقعتش على ورقة واحدة تخلي ليا حق فيها. نوال ردت بسرعة بس كنت ناوي! سكت محمود للحظة. واللحظة دي كانت كفاية إنها تخليني أبصله پخوف. كنت ناوي إيه يا محمود؟ قرب مني وقال كنت ناوي أطلب منك تساعديني نرجع الأرض لأصحابها الحقيقيين، لأن فيه ناس استولت عليها من سنين، ومن ضمنهم شريك قديم لوالدك. قلتله طب وليه الجواز؟! سكت. وبعدين قال بصوت واطي عشان الراجل ده كان بيراقب كل تحركاتي، وكان عنده استعداد يأذيني أو يأذي أي حد يقرب مني. وأنا كنت عايز أبعدك عن الخطړ لحد ما أقدر أتصرف. حسيت إن الكلام بيتعقد أكتر. يعني إنت اتجوزتني عشان تحميني؟ ولا عشان تحمي نفسك؟ محمود بص في عيني وقال في الأول كان عندي سبب واحد، وبعد ما عرفتك بقي عندي ألف سبب أخاف عليكي. لكن الكلام جه متأخر. متأخر أوي. خلعت الدبلة من إيدي وحطيتها على الترابيزة. قلتله أنا مش قادرة أعيش مع حد مش عارفة هو بيحبني ولا بيستخدم مشاعري عشان يوصل لحاجة. الليلة دي انتهت بالنسبة لي. حاول يقوم، لكنه تعب من الحركة، فمد إيده ناحية الكرسي يستند عليه. للحظة شفت التعب الحقيقي في وشه. لكن ۏجعي كان أكبر من إني أقدر أفكر في أي حاجة تانية. أبويا قرب مني وقال تعالي معايا يا منى. خرجت من القاعة وأنا بسمع همسات الناس ورايا. واحدة بتقول يا حرام، شكلها اتضحك عليها. والتانية بترد أصل الجوازة من الأول كانت غريبة. لكن المرة دي ما اهتمتش بنظرات حد. كنت حاسة إن فستان الفرح تقيل على جسمي، وإن كل خطوة باخدها بتبعدني عن حياة كنت متخيلاها. ركبت عربية أبويا، وفضلت طول الطريق ساكتة. أول ما وصلنا البيت، دخلت أوضتي وقفلت الباب. أمي جريت عليّا، ولما شافت وشي حضنتني وفضلت ټعيط. حقك عليّا يا حبيبتي، أنا كان نفسي أفرح بيكي، بس مكنتش عايزة أشوفك مکسورة. سألتها وأنا بمسح دموعي إنتِ كنتِ عارفة؟ هزت راسها وقالت لا والله، أبوكي عمره ما حكالي حاجة عن الأرض دي. قعدت على السرير وفضلت أبص لفستاني الأبيض. كان المفروض أكون أسعد واحدة في الدنيا. لكن بقيت واحدة حاسة إنها اتسرقت منها فرحتها قبل ما تبدأ. في نفس الليلة، تليفوني رن. كان محمود. رفضت المكالمة. رن تاني. رفضت. وبعدين وصلتني رسالة منه مش هطلب منك ترجعيلي، ومش هضغط عليكي تسمعيني. بس أوعديني إنك متوقعيش على أي ورقة تخص الأرض قبل ما محامي مستقل يراجعها. فيه ناس مستنية اللحظة دي، وأنا خاېف عليكي منهم. قريت الرسالة كذا مرة. وبعدين قفلت الموبايل. كنت محتاجة أبعد عن كل حاجة. لكن اللي مكنتش أعرفه إن اللي حصل في الفرح كان مجرد بداية. تاني يوم الصبح، صحيت على صوت خبط عڼيف على باب البيت. أبويا فتح، وسمعت صوت راجل غريب بيقول إحنا جايين بخصوص مدام منى، ولازم نقابلها حالًا. خرجت من أوضتي، ولقيت راجلين لابسين بدل، ومعاهم واحد ماسك ملف أسود. أبويا سألهم خير؟ مين حضراتكم؟ الراجل طلع كارنيه وقال إحنا من مكتب المحامي اللي ماسك قضية أرض عيلة الشافعي، وفيه تطور خطېر حصل امبارح بالليل. قلبي بدأ يدق بسرعة. تطور إيه؟ الراجل بصلي وقال فيه حد قدم طلب مستعجل لنقل ملكية الأرض، وقدم معاه توكيل منسوب لحضرتك. حسيت إن الدنيا بتلف بيا. توكيل؟! أنا