جوزي وزنه

ممضيتش أي توكيل! فتح الملف وطلع صورة ورقة. كان عليها اسمي وتوقيع شبه توقيعي. لكن أنا متأكدة إني ممضيتش عليها. أبويا اتعصب وقال مين اللي قدم الورقة دي؟ الراجل رد شركة اسمها النور للاستثمار العقاري، وممثلها القانوني الأستاذ فؤاد البدري. أبويا اتجمد. ولأول مرة أشوف الخۏف الحقيقي في عينيه. فؤاد البدري؟! سألته تعرفه يا بابا؟ قعد على أقرب كرسي وقال ده الشريك القديم لجدك، والراجل اللي كان سبب ضياع الأرض من سنين. حسيت إننا دخلنا في دوامة ملهاش نهاية. المحامي كمل فيه حاجة تانية. الطلب اتقدم بمستندات فيها توقيع والد حضرتك، وده معناه إن فيه حد بيحاول يثبت إن الأرض اتباعت من زمان. بصيت لأبويا. بابا، إنت مضيت على حاجة؟ هز راسه بسرعة مستحيل. أنا عمري ما بعت حقك. في
اللحظة دي تليفوني رن. رقم مجهول. رديت بحذر. جالي صوت راجل خشن صباح الخير يا عروسة. أتمنى تكوني استمتعتي بليلة فرحك، لأن اللي جاي مش هيكون بنفس الجمال. صړخت مين معايا؟! ضحك وقال قولي لجوزك إنه يوقف لعب دور البطل، ويسلم الأوراق اللي معاه، وإلا هتندمي إنتِ وأبوكي. وقفل. أمي صړخت پخوف يا ساتر يا رب! أبويا قام بسرعة وقال لازم نبلغ الشرطة. المحامي قال وده اللي هنعمله، لكن قبلها لازم نحافظ على كل المستندات. في اللحظة دي افتكرت كلام محمود. اتصلت بيه. رد من أول رنة، وصوته كان مرهق منى؟ قلتله بسرعة مين فؤاد البدري؟ وإيه حكاية التوكيل المزور؟ سكت ثانيتين وبعدين قال إنتِ عرفتي؟ أيوه، وفيه حد اتصل بيهددني أنا وأبويا. أنا عايزة أفهم كل حاجة دلوقتي. سمعت صوت حركة عنده، وبعدين قال أنا هبعتلك عنوان المحامي بتاعي، ومش عايزك تخرجي لوحدك. أهم حاجة مټخافيش. صړخت فيه متقوليش مټخافيش! أنا عايزة أعرف إنت دخلتني في إيه! قال بصوت هادي أنا هحكيلك كل حاجة، بس لازم تعرفي إن فؤاد البدري مش مجرد رجل أعمال طماع. ده راجل مستعد يعمل أي حاجة عشان يوصل للي عايزه. وإنت تعرفه منين؟ لأنه كان شريك أبويا، وهو اللي تسبب في إفلاس الشركة القديمة، وبعدها استولى على حقوق ناس كتير. أبوكي كان واحد منهم. سكت لحظة، ثم كمل وأنا كنت من الناس اللي حاولوا يرجعوا الحقوق دي. طب وإيه علاقة وزنك بالموضوع؟ السؤال خرج مني فجأة. كنت طول الوقت بحاول أفهم سبب اختياره ليا، لكن فيه حاجة تانية كانت شاغلاني. محمود سكت شوية، وبعدها قال هحكيلك لما نتقابل. قلتله لا، دلوقتي. أخد نفس عميق وقال أنا اتعرضت لحاډثة من تسع سنين، وبعدها حصلتلي مشاكل صحية خلت وزني يزيد بشكل كبير. جربت علاجات كتير، وعملت محاولات مختلفة، لكن حالتي كانت بتسوء بسبب الإهمال والضغط النفسي. والناس اللي حواليا بدأت تشوفني برقم على الميزان، مش إنسان. صوته اتغير. فؤاد كان من الناس اللي استغلوا حالتي عشان يشوهوا سمعتي ويبعدوني عن أي شغل. لكن أنا بنيت نفسي من جديد، واشتغلت من البيت، وعملت شركة صغيرة، لحد ما قدرت أقف على رجلي تاني. سألته يعني إنت كنت محتاج حد يتجوزك عشان يثبت إنك قادر تعيش حياة طبيعية؟ رد بسرعة لا. أنا مش محتاج جواز عشان أثبت لحد حاجة. لكن لما شوفتك، حسيت إنك أول إنسانة بتبصلي من غير ما تحكم عليّا. وكنت غلطان لما خبيت عنك تفاصيل الأرض. كنت فاكر إني لما أحميكي من الحقيقة هبقى بحميكي من الخطړ، لكن الحقيقة إني ظلمتك. قفلت المكالمة من غير ما أرد. بعد ساعة، المحامي بعتلنا العنوان، وروحنا أنا وأبويا وأمي. هناك قابلنا الأستاذ شريف، محامي محمود، وكان معاه بنت في أوائل التلاتينات اسمها داليا، باين عليها الذكاء والثقة. عرفت إنها محققة قانونية شغالة معاه في القضية. أول ما شافتني قالت أخيرًا قابلت صاحبة الأرض بنفسها. بصيتلها باستغراب. إنتِ تعرفيني؟ ابتسمت وقالت محمود كان بيتكلم عنك كتير، لدرجة إني بقيت عارفة تفاصيل مش عارفها عن نفسي. اتضايقت من الجملة. سألتها بحدة كان بيتكلم عني قبل الجواز؟ داليا لاحظت توتري، فغيرت نبرة صوتها وقالت آه، بس مش بالطريقة اللي إنتِ فاهمها. هو كان بيحكي عنك لما كان بيشوفك في زياراتك لأبوك، وكنتِ دايمًا بتساعدي في تنظيم التبرعات اللي المؤسسة بتوزعها. افتكرت. قبل الجواز بشهور، كنت بساعد في جمعية خيرية تبع المنطقة، وكان محمود بيمول جزء من أنشطتها من غير ما يظهر اسمه. داليا فتحت ملف وقالت خليني أشرحلك. الأرض مساحتها كبيرة، وفيها مبنى قديم ومخازن، وفؤاد البدري استغل إن الورق الأصلي اتعرض للتلف في حريق قديم، وبدأ يبيع أجزاء منها بعقود غير سليمة. أبويا قال أنا كنت فاكر إن الموضوع انتهى لما المحكمة حكمت لصالحنا من سنين. داليا ردت الحكم موجود، لكن التنفيذ اتعطل بسبب تزوير مستندات جديدة. شريف المحامي دخل في الكلام المشكلة إن التوكيل اللي قدموه باسم منى فيه توقيع مزور، لكن لو قدروا يثبتوا إنه صحيح، هيحاولوا ينقلوا الملكية بسرعة. سألت نعمل إيه؟ داليا ردت هنطلب فحص التوقيع، ونقدم أصل المستندات، ونثبت إنك موقعتِيش على أي توكيل. وبعدين بصتلي مباشرة لكن فيه حاجة لازم تعرفيها. محمود عنده تسجيل مهم، ممكن يقلب القضية كلها. قلبي دق بسرعة. تسجيل إيه؟ داليا بصت لشريف، وهو طلع فلاشة صغيرة. تسجيل لمكالمة بين فؤاد البدري وشخص قريب جدًا من العيلة. أبويا قال مين؟ داليا ترددت، وبعدين قالت نوال، والدة محمود. حسيت پصدمة جديدة. حماتي؟! شريف شغل التسجيل. في البداية كان فيه تشويش، وبعدها ظهر صوت نوال واضح أنا عملت اللي اتفقنا عليه، ومحمود خلاص اتجوز البنت. بس لازم تخلص موضوع الأرض قبل ما يعرف الحقيقة كلها. صوت فؤاد رد اطمني، أنا عارف أتصرف. المهم تخليه يبعد عن المستندات الأصلية. نوال قالت أنا مش عايزة ابني يضيع في الآخر بسبب بنت غريبة. فؤاد ضحك ابنك مش هيضيع، هو هيبقى صاحب كل حاجة لو عرف يسمع الكلام. التسجيل انتهى. حسيت إن رجلي مش شايلاني. نوال كانت متفقة معاه؟ لكن ليه؟ محمود كان بيحاول يحذرني منها، وأنا كنت فاكرة إنها مجرد أم متسلطة مش أكتر. سألت داليا محمود جاب التسجيل ده منين؟ قالت كان بيتابع تحركات فؤاد من فترة، وسجل المكالمة بطريقة قانونية بعد ما حصل على إذن من الجهات المختصة. أبويا مسح على وشه وقال أنا مش مصدق إن نوال ممكن تعمل كده. داليا قالت لسه فيه جزء تاني. طلعت ورقة من الملف. نوال كانت عايزة تخلي محمود يمضي على عقد شراكة مع فؤاد، وبمجرد ما يمضي، فؤاد كان هيحمله مسؤولية التزوير والاستيلاء على الأرض. حسيت إن محمود كان محاصر من كل ناحية. لكن ده ما يمسحش إنه خدعني. في نفس اليوم، قررت أقابله. مش عشان أسامحه، لكن عشان أسمع منه كل حاجة. وصلت بيته مع أبويا. كان بيت واسع في منطقة هادية، وفيه مصعد خاص بسبب صعوبة حركة محمود. أول ما دخلت، لقيته قاعد في الصالة، لابس قميص أزرق، ووشه شاحب. لما شافني، حاول يقوم. قلت بسرعة خليك مكانك. وقف لحظة، وبعدين قعد تاني. قال الحمد لله إنك جيتي. رديت ببرود أنا جاية عشان أفهم، مش عشان أرجع. هز راسه. من حقك. قعدنا قدام بعض، وأبويا طلب مني أتكلم معاه لوحدي. خرج، وفضلنا أنا ومحمود في الصالة. بصيتله وقلت عايزة أعرف كل حاجة من البداية. من غير تجميل ولا أعذار. محمود بدأ يحكي. قال إن أبوه كان صاحب شركة مقاولات كبيرة، وكان شريك فؤاد البدري. بعد ۏفاة أبوه، اكتشف إن فيه ديون ومخالفات مالية اتسجلت باسم الشركة، وإن فؤاد استولى على جزء كبير من ممتلكاتها. محمود وقتها كان لسه شاب، ووزنه طبيعي، وبيشتغل مع والده.
لكن بعد حاډثة عربية قوية، اټصاب في ضهره ورجله، وقعد فترة طويلة في البيت. العلاج كان صعب، والحركة قلت، وبدأ وزنه يزيد بصورة كبيرة. ومع الوقت، بقى كل اللي حواليه بيتعاملوا معاه بشفقة أو سخرية. أصدقاء اختفوا، وشركاء انسحبوا، وحتى بعض أقاربه بقوا يشوفوا وجوده عبء. لكنه رغم كل ده، ما استسلمش. بدأ يشتغل من البيت، واتعلم إدارة الشركات عن طريق الإنترنت، وقدر يرجع يبني نشاط تجاري ناجح. وبعدها اكتشف إن فؤاد البدري لسه بيستخدم نفس الأساليب القديمة. قال محمود أنا كنت عارف إن فيه ناس بتراقبني، وعارف إن أمي بتتكلم مع فؤاد من ورايا. لكن اللي مكنتش أعرفه إنها هتوصل لدرجة إنها تستخدم جوازنا في الموضوع. سألته إنت عرفتني إزاي؟ قال أول مرة شوفتك كانت في الجمعية. كنتِ بتوزعي شنط رمضان، وواحدة ست كبيرة وقعت منك الأكياس، وإنتِ قعدتي على الأرض تساعديها، رغم إن الناس كلها كانت مستعجلة. يومها سألت عنك وعرفت إنك بنت الأستاذ عبد الرحمن. وبعدين؟ قابلتك تاني في مناسبة عائلية، واتكلمنا. وبعدها بقيت مستني أي فرصة أشوفك فيها. أنا مكنتش عايز أتجوزك عشان الأرض، لكن كنت عارف إنك صاحبة حق فيها، وكنت محتاج أقولك الحقيقة. ولما حبيتك، خفت أخسرك. ضحكت بۏجع فقررت تكذب عليّا عشان متخسرنيش؟ رد أيوه، وده أكبر غلط عملته. قلتله عارف إيه أكتر حاجة وجعتني؟ مش وزنك يا محمود، ولا نظرات الناس، ولا كلام أمك. أنا اتوجعت لما بصيتلك في الفرح وكنت مستنية تدافع عني، لقيتك ساكت. كنت مستنياك تختارني حتى لو على حساب أي حاجة تانية. عينيه اتمليت بالدموع. أنا كنت ساكت لأني كنت خاېف أمي تكشف السر بالطريقة دي، وخاېف إنك تسمعي الحقيقة وسط الناس. كنت محضر إني أحكيلك في البيت بعد الفرح، لكن هي سبقتني. قلتله كان لازم تحكيلي قبل الفرح. هز راسه عارف. سألته طب إنت كنت بتحبني فعلًا؟ بصلي وقت طويل، وبعدين قال أنا بحبك يا منى، بس الحب مش مبرر إني أخبي عنك حقيقتك ولا إني أقرر بالنيابة عنك. لو قررتي تبعدي، هحترم قرارك. كان كلامه صادق، لكن قلبي لسه موجوع. قمت من مكاني. وقبل ما أمشي، قلتله أنا مش هقدر أرجع دلوقتي. محتاجة أشوف أفعالك مش أسمع كلامك. رد هستناكي من غير ما أضغط عليكي. خرجت من البيت وأنا مش عارفة أكرهه ولا أسامحه. بعد يومين، حصلت حاجة قلبت كل الموازين. كنت في البيت مع أمي، وفجأة وصلني ظرف من غير اسم مرسل. فتحته، لقيت جواه صورة ليا وأنا خارجة من مكتب المحامي، وصورة تانية لأبويا قدام البيت. وتحت الصور ورقة مكتوب فيها آخر تحذير. سلّمي الأوراق الأصلية، وإلا هتخسري أغلى حاجة عندك. إيدي اترعشت. اتصلت بمحمود فورًا. لما سمع اللي حصل، صوته اتغير تمامًا. متخرجيش من البيت، وأنا هبلغ شريف. قلتله أنا مش هفضل مستخبية طول عمري! قال أنا مش بطلب منك تخافي، أنا بطلب منك تتصرفي بحكمة. وبعد نص ساعة، وصل محمود ومعاه داليا ومحامي تاني. لما دخل، لاحظت إنه كان مرهق جدًا، لكنه حاول يبان ثابت. داليا فحصت الصور وقالت اللي بعت الرسالة عايز ېخوفك عشان تتنازلي عن الأرض. أبويا قال پغضب أنا هروح لفؤاد وأواجهه بنفسي. محمود رد بسرعة لأ يا عمي، دي بالضبط الغلطة اللي هو مستنيك تعملها. وبعدين بصلي وقال فيه حل واحد. لازم نعرف مين اللي سرب عنوان مكتب المحامي. داليا قالت المعلومات دي كانت مع عدد محدود جدًا من الناس. بدأنا نراجع كل حاجة. مين كان عارف؟ أنا، وأبويا، ومحمود، وداليا، وشريف. لكن كان فيه شخص تاني وصل له جزء من المعلومات. نوال! فجأة رن جرس الباب. أمي راحت تفتح، وبعد لحظات رجعت وهي بتقول فيه ست بره بتقول إنها والدة محمود، وعايزة تقابل منى. بصيت لمحمود. ملامحه اتغيرت. قال خليها تدخل. دخلت نوال وهي لابسة نظارة سوداء، ووشها متوتر. أول ما شافت محمود قالت إنت جايب نفسك هنا ليه؟! رد عشان أحمي مراتي. ضحكت بسخرية مراتك؟! إنت لسه فاكر إنها مراتك بعد اللي حصل؟! وقفت قدامها وقلت إنتِ جاية ليه يا طنط؟ بصتلي وقالت أنا جاية أنقذ ابني منك. محمود رد پغضب إنتِ اللي محتاجة تنقذي نفسك من اللي عملتيه. نوال فتحت شنطتها وطلعت ورقة. خد يا محمود. دي ورقة تثبت إن فؤاد كان بيضحك عليك من الأول، وإنه عمره ما كان ناوي يديك أي حاجة. داليا خدت الورقة وبدأت تقراها. وبعد لحظات رفعت عينيها پصدمة. دي مسودة عقد بين فؤاد ونوال، وفيها اتفاق على تقسيم الأرض بعد نقل الملكية. بصيت لنوال وقلت يعني إنتِ كنتِ عايزة تاخدي حقي؟! نوال صړخت أنا كنت بعمل ده عشان ابني! محمود رد عشاني؟! إنتِ كنتِ عايزة تبيعيني لفؤاد مقابل جزء من الأرض؟! نوال بدأت ټعيط. إنت مش فاهم يا ابني! أنا كنت خاېفة عليك! قال من إيه؟ من إنك تشوفيني ضعيف؟ ولا من إنك مش قادرة تستوعبي إني ممكن أعيش من غير ما تتحكمي فيا؟ نوال بصتله بۏجع وقالت أنا أمك يا محمود! رد وهو بيحاول يسيطر على صوته الأم مش بتسرق حق ابنها، ومش بتبيع مراته،