جوزي وزنه

طول عمري شايلة الڠضب جوايا. لو إنتِ فعلًا ندمانة، أثبتي ده بأفعالك. نزلت دموعها. هحاول يا بنتي. رجعنا للمؤسسة. محمود كان واقف بعيد، ولما شافنا قال كل حاجة تمام؟ قلت لسه بدري على كلمة تمام، بس ممكن نقول إن فيه بداية جديدة. بعد فترة، نوال بدأت تحضر بعض الأنشطة في المؤسسة، وكانت بتساعد السيدات الكبيرات في السن، وتحاول تصلح جزء من اللي كسرته. ما رجعتش العلاقة زي الأول في يوم وليلة، لكن مع الوقت بدأت تتعلم تحترم حدودنا. أما محمود، فكان كل يوم بيقرب مني أكتر، مش بالكلام، لكن بالمواقف. كان بيحكيلي كل حاجة حتى لو صغيرة، ويسألني عن رأيي في قراراته، وما بقاش ياخد قرار يخصنا من غير ما أكون عارفة. وفي يوم من الأيام، كنا قاعدين في حديقة المؤسسة بعد ما الموظفين مشيوا. كان الجو هادي، والهواء لطيف. محمود بصلي وقال فاكرة أول مرة اتكلمنا؟ ضحكت فاكرة إنك كنت متوتر ومش عارف تقول إيه. قال كنت خاېف ترفضي تتكلمي معايا. وأنا كنت فاكرة إنك مغرور. ضحك. وبعدين سكت شوية وقال منى، أنا عايز أسألك سؤال، ومش عايزك تحسي إنك مضغوطة. بصيتله. اتفضل. قال إحنا بقالنا شهور بنبدأ من جديد، وأنا حاسس إني كل يوم بحبك أكتر. بس مش عايز أفضل عايش في منطقة مش واضحة. أنا عايز أعرف إذا كان لسه فيه مكان ليا في قلبك، ولا إنتِ شايفاني مجرد شخص بتحاولي تسامحيه. قلبي دق بسرعة. افتكرت ليلة الفرح. افتكرت الورق. افتكرت صرخات نوال. وافتكرت كمان الأيام اللي وقف فيها جنبي من غير ما يطلب مقابل. قلتله أنا كنت بحبك من أول يوم، وده اللي خلاني أوجع أكتر لما عرفت الحقيقة. لكن مع الوقت فهمت إن الحب مش كفاية لو مفيش صدق. هز راسه. معاكي حق. كملت وأنا شايفة إنك اتغيرت، مش في شكلك، لكن في طريقتك وتفكيرك. بقيت بتسمعني، وبتحترم قراري، وبتقول الحقيقة حتى لو هتزعلني. بصلي بعينين مليانين أمل. يعني؟ ابتسمت وقلت يعني أنا مستعدة أدي لجوازنا فرصة حقيقية. فضل ساكت لحظة، كأنه مش مصدق. وبعدين قال بجد؟ ضحكت لأ، بهزر معاك! ضحك هو كمان، ولأول مرة حسيت إن الضحكة طالعة من غير خوف ولا ۏجع. مد إيده ناحيتي، واستنى. أنا اللي حطيت إيدي في إيده. قال أوعدك إني مش هخليكي ټندمي على القرار ده. قلتله وأنا أوعدك إني هكون جنبك طول ما إحنا بنمشي مع بعض، مش واحد بيقرر والتاني ينفذ.
بعد شهر، قررنا نعمل احتفال صغير بتجديد عهدنا. مش فرح كبير، ولا قاعة فيها مئات الناس. كان احتفال بسيط في حديقة المؤسسة، بحضور أهلي وأصحابنا والناس اللي وقفوا جنبنا. أمي كانت واقفة جنبي وهي بتظبط طرحة فستاني، وقالت المرة دي أنا داخلة الفرح وأنا قلبي مرتاح. ضحكت وقلت وأنا كمان يا ماما. أبويا قرب من محمود، ومد إيده ليه وقال خلي بالك من بنتي. محمود رد بابتسامة دي أمانة في رقبتي يا عمي، بس الأهم إنها تكون شريكتي مش أمانة عندي. أبويا ضحك وربت على كتفه. وفي وسط الاحتفال، محمود طلب الميكروفون. وقف قدام الموجودين، وبصلي. قال أنا عايز أقول حاجة قدام كل الناس. منى دخلت حياتي وهي شايفة فيا إنسان، في وقت كان فيه ناس كتير شايفاني مجرد وزن وشكل. وأنا غلطت لما افتكرت إن خۏفي عليها يخليني أخبي عنها الحقيقة. كنت فاكر إني بحميها، لكني كنت بسلبها حقها في الاختيار. النهارده أنا مش بوعدها إني هبقى مثالي، لكن بوعدها إني هبقى صادق. وإن أي مشكلة تقابلنا هنواجهها سوا، مش ورا ضهر بعض. الناس صفقوا. وأنا دموعي نزلت. خدت الميكروفون منه وقلت وأنا عايزة أقول إن الحب مش إنك تشوف الشخص اللي قدامك كامل، الحب إنك تشوف عيوبه وتفهمها، لكن من غير ما تسمح بالكذب أو الأڈى. أنا اخترت محمود عشان قلبه، لكن النهارده اخترته كمان عشان عرف يعترف بغلطه ويحاول يصلحه. محمود ابتسم. وبعدها قرب مني وهمس لسه فاكرة أول ليلة؟ ضحكت وقلت دي ليلة عمري ما هنساها. قال حتى بعد كل اللي حصل؟ بصيتله وقلت حتى بعد كل اللي حصل. بس المرة دي مش هنسى إني كنت قوية كفاية أواجه الحقيقة وأختار بنفسي. عدت سنة كاملة. المؤسسة كبرت، وبقت بتساعد مئات الأسر، وبدأنا نفتح فروع صغيرة في مناطق مختلفة. محمود استمر في رحلته الصحية، وتحسنت حركته بشكل كبير، وخسر جزءًا كبيرًا من وزنه تحت إشراف طبي، لكنه ما كانش بيقيس نجاحه بالأرقام. كان كل ما يقدر يمشي خطوة زيادة، يعتبرها انتصار. وأنا كنت أول واحدة تصفقله. في ذكرى جوازنا، قرر ياخدني لنفس القاعة اللي حصل فيها كل شيء. أول ما دخلت، وقفت مكاني. نفس القاعة. نفس النجف. نفس المكان اللي وقفت فيه نوال وصړخت قدام الناس. بصيتله وقلت إنت جايبني هنا ليه؟ ابتسم وقال عشان المكان اللي شهد أصعب لحظة في حياتنا، يستحق يشهد أحلى لحظة كمان. كان فيه عدد من الناس اللي حضروا فرحنا الأول، وأهالينا وأصحابنا. لكن المفاجأة كانت في وجود نوال. كانت قاعدة في آخر القاعة، وملامحها هادية. محمود مسك إيدي وطلعنا على المسرح. وبعدين قال النهارده عايز أصحح حاجة حصلت هنا من سنة. يومها أمي قالت قدام الناس إني اتجوزت منى لسبب تاني، وإنها لو عرفت الحقيقة هتكره اليوم اللي وافقت فيه عليّا. والحقيقة إن أمي كانت عندها جزء من الحقيقة، لكن مكنتش تعرف إن الإنسان ممكن يبدأ بنية غلط ويكتشف بعد كده إنه لقى أغلى حاجة في حياته. بصلي وكمل أنا اتجوزت منى وأنا شايل أسرار، لكني كملت معاها لأني حبيتها. وكنت فاكر إن الحب هيصلح كل حاجة، واتعلمت بالطريقة الصعبة إن الحب من غير صدق ممكن يوجع أكتر من الكراهية. وبعدين بص للحاضرين وقال أنا فخور بمراتي، مش عشان وقفت جنبي وأنا بتعالج، ولا عشان دافعت عن حقها، لكن عشان عمرها ما سمحت لحد يحدد قيمتها أو قيمتي من شكلنا. الناس صفقوا. نوال قامت من مكانها، وطلبت الميكروفون. كانت مترددة، لكن محمود أشار لها إنها تتكلم. قالت بصوت مرتعش أنا عارفة إن محدش نسي اللي عملته، وأنا نفسي مش قادرة أنسى. لكن عايزة أقول قدام الناس كلها إن منى كانت أحن على ابني مني في وقت أنا كنت المفروض أكون سند ليه. أنا ظلمتها، وظلمت محمود، ولو فيه حاجة اتعلمتها من السنة دي، فهي إن الإنسان مش بيتقاس بوزنه ولا شكله ولا فلوسه، بيتقاس بأفعاله. نزلت من المسرح، وقربت مني. وقالت ممكن أحضنك؟ بصيت لمحمود، وبعدين فتحت دراعي. حضنتني وهي بټعيط. ماكنش حضڼ يمسح كل اللي فات، لكنه كان بداية تصالح حقيقي. بعد الاحتفال، خرجنا أنا ومحمود للحديقة اللي جنب القاعة. كان ماسك إيدي، وبصلي وقال عارفة إيه أكتر حاجة ندمت عليها؟ قلت إنك مخبيتش الحقيقة من الأول؟ قال أيوه، بس فيه حاجة تانية. إني خليتك تحسي إنك لوحدك وسط 150 شخص في ليلة كان المفروض أكون أنا سندك فيها. وقفت قدامه وقلت المهم إنك فهمت. قال وهفضل فاكر. وبعدين طلع من جيبه علبة صغيرة. فتحها، وكان جواها خاتم رقيق عليه حرف اسمي. قال دي مش دبلة جديدة، دي وعد جديد. وعد إن مفيش حاجة هتتخبى بينا تاني. ضحكت وقلت إنت فاكر إني هقبل كل مرة تشتريلي خاتم عشان تراضيني؟ ضحك وقال لا، المرة الجاية هجيب شوكولاتة. ضحكت من قلبي، ومديت إيدي أخدت الخاتم. وبعدها حضنته. في اللحظة دي، عرفت إن حياتنا مش هتبقى مثالية، وإن لسه قدامنا تحديات كتير، لكننا أخيرًا بقينا بنواجهها مع بعض. وبعد شهور، حصلت مفاجأة تانية. كنت واقفة في بلكونة بيتنا، ومحمود دخل عليّا ومعاه علبة صغيرة. سألته إيه ده؟ قال افتحي. فتحتها، ولقيت جواها صورة سونار. فضلت أبص للصورة، وبعدين رفعت عيني ليه بذهول. محمود إنت عارف؟! ابتسم، وعينيه لمعت بالدموع. إنتِ حامل يا منى. حطيت إيدي على بطني، ودموعي نزلت من الفرحة. حضنته وقلت إحنا هنكون أهل! قال وهو بيبوس راسي وهنكون أحسن أهل، لأننا اتعلمنا إن الطفل محتاج يشوف الصدق والاحترام قبل أي حاجة تانية. من اليوم ده، حياتنا اتغيرت. محمود بقى حريص على صحته أكتر، وأنا كنت بتابع مع الدكتورة، وكل يوم كنا بنستنى اللحظة اللي نشوف فيها طفلنا. ولما جه يوم الولادة، كان محمود واقف بره غرفة العمليات، متوتر أكتر مني. أمي كانت بتضحك عليه وتقول يا ابني اهدا، إنت اللي هتولد ولا مراتك؟ رد عليها أنا قلبي هيقف قبلها! وبعد ساعات، سمعنا صوت بكاء طفل صغير. الدكتورة خرجت وهي مبتسمة وقالت مبروك، ربنا رزقكم ببنت جميلة. محمود دموعه نزلت، وأول ما شافها، فضل باصصلها كأنه شايف الدنيا لأول مرة. قال هنسميها إيه؟ بصيتله وابتسمت. ليان. ابتسم وقال اسم جميل على أميرة جميلة. قربت منه، وبصيت لبنتنا وهي نايمة بين إيديه. وقتها افتكرت كل حاجة حصلت. افتكرت ليلة الفرح، والظرف، والتهديدات، والمحكمة، والخۏف، والدموع. وافتكرت إنني في يوم من الأيام خلعت دبلتي وقلت إن حياتي مع محمود انتهت قبل ما تبدأ. لكن الحقيقة إننا كنا محتاجين نبدأ من جديد، ونفهم إن الحب مش مجرد مشاعر حلوة، لكنه مسؤولية وصدق واحترام واختيار بيتجدد كل يوم. بعد الولادة بشهرين، كنا في المؤسسة، وليان نايمة في عربيتها الصغيرة جنبنا. محمود كان واقف بيتكلم مع
مجموعة من الشباب اللي بيشاركوا في نشاط المؤسسة، وفجأة واحدة من السيدات قربت مني وقالت هو جوزك كان وزنه كبير أوي زي ما الناس كانت بتحكي؟ ابتسمت وقلت أيوه، كان وزنه حوالي 280 كيلو. قالت باستغراب طب إزاي وافقتي تتجوزيه؟ بصيت لمحمود، اللي كان بيضحك مع الشباب، وبعدين رجعت بصيتلها. قلت أنا وافقت أتجوز إنسان، مش رقم على الميزان. بس ده مش معناه إن أي حد لازم يعمل زيي، كل واحد ليه اختياراته. المهم إن الجواز يبقى مبني على الصراحة والاحترام، مش على الخداع أو نظرة الناس. السيدة ابتسمت وقالت ربنا يسعدكم. رديت ويسعدك يا رب. في المساء، رجعنا البيت. محمود كان شايل ليان، وبيحاول يهديها عشان تنام. بصلي وقال منى، فاكرة لما قولتيلي في أول ليلة إنك مش عارفة إذا كنت بحبك ولا لأ؟ ضحكت فاكرة طبعًا. قال أنا عندي إجابة ليكي دلوقتي. سألته إيه هي؟ بص لبنتنا، وبعدين بصلي وقال أنا حبيتك قبل ما أعرف يعني إيه أكون زوج بجد، لكن معاكي اتعلمت إن الحب مش إنك تخبي الحقيقة عشان تحافظ على اللي بتحبه. الحب إنك تقدر تقف قدامه بكل عيوبك وأخطائك، وتديله الحق يختار إذا كان عايز يكمل معاك ولا لأ. عيني دمعت. قلتله وأنا اتعلمت إن الست القوية مش اللي عمرها ما بټعيط، ولا اللي بتسامح على طول، الست القوية هي اللي تعرف تحافظ على كرامتها، وتعرف إمتى تسامح وإمتى تقول لأ. قرب مني وحط ليان في سريرها، وبعدها حضڼي. وقال بحبك يا منى. ابتسمت ورديت وأنا كمان بحبك يا محمود. وبعد لحظة ضحك وقال بس عندي طلب صغير. سألته إيه؟ قال ممكن في ذكرى جوازنا الجاية نعمل فرح تاني، بس من غير مفاجآت من أمي؟ ضحكت لدرجة إن ليان صحيت وبدأت ټعيط. قلتله لو أمك قربت من الميكروفون، هسحبه منها بنفسي! ضحكنا إحنا الاتنين. وفي آخر الليل، وأنا قاعدة جنب سرير بنتي، بصيت لمحمود وهو نايم، وافتكرت الجملة اللي حماتي صړخت بيها يوم فرحنا ابني متجوزكيش علشان بيحبك ده اتجوزك لسبب تاني خالص! ابتسمت بيني وبين نفسي. يمكن فعلًا كان فيه سبب تاني في بداية الحكاية، ويمكن كان فيه أسرار وخوف وأخطاء كتير، لكن اللي حصل بعد كده أثبتلي إن الإنسان ممكن يغلط، وممكن يتغير، وممكن يتعلم يحب بالطريقة الصح. أما أنا، فعمري ما ندمت إني دافعت عن حقي، ولا إني رفضت أكون مجرد وسيلة في حياة حد. لأنني في النهاية ما كسبتش أرض وبس، ولا كسبت قضية، ولا حتى كسبت جواز اتصلح بعد ما كان على وشك الاڼهيار. أنا كسبت نفسي، وكرامتي، وعيلة اتعلمت إن مفيش بيت يقدر يعيش من غير الصراحة. والأهم إني بقيت عارفة إن الحب الحقيقي مش إنك تختار شخصًا عشان شكله أو جسمه أو فلوسه، لكن إنك تختاره بعقلك وقلبك، وتفضلوا تختاروا بعض كل يوم، من غير كڈب ولا إجبار ولا خوف. أما محمود، فكان دايمًا يقول إن أجمل يوم في حياته مش يوم ما رجع حق أبوه، ولا يوم ما كسب القضية، ولا حتى يوم ما بقى أب لأول مرة. كان يقول إن أجمل يوم هو اليوم اللي رجعت فيه منى بإرادتها، ومدت إيدها ليه، بعد ما كان عندها ألف سبب تمشي. وكان كل ما يفتكر ليلة فرحنا، يبصلي ويقول الحمد لله إننا قدرنا نكتب نهاية مختلفة للحكاية. وأنا كنت أرد عليه وأنا بضحك دي مش النهاية يا محمود دي
أحلى بداية.
تمت بحمد الله
حكايات الكاتبة انجي الخطيب