عاصف ونسيم كاملة لجميع فصول بقلم الكاتبة المبدعة زهرة الربيع
لها عن سبب زواجه منها ومصالحه القديمة.
نسيم كانت بتبص له بدهشة وقالت عاصف باشا هقولك كلمتين ورزقي على الله.
عاصف قال انجزي بس.
نسيم قالت بهدوء إنت واطي وانتهازي وحقير ووصولي.
عاصف رفع حواجبه بدهشة، لكنه ضحك وقال عارف بس عمر ما حد قدر يقولي كده.
وخرج من الأوضة.
بعد شوية كان عاصف بيفطر مع أمه، ونسيم بتفطر معاهم.
سلوى قالت مقولتليش يا عاصف مراتك زعلت ليه؟
عاصف قال أبدًا غيرة حريم وأنا معنديش خلق للكلام ده.
سلوى ابتسمت وقالت أنا كمان جهزت أوضة لنسيم علشان ميبقاش فيه مشاكل.
عاصف شرق بالمية وقال بسرعة نسيم مش هتروح مكان لحد ما نتأكد من حملها هتفضل معايا، والنقاش ممنوع.
سلوى ضحكت وقالت ليه؟ مش إنت اللي قولت مش عايزها معاك؟
عاصف قال ماما خليها معايا علشان متشتغلش ولا تتعب في حاجة، مش أكتر.
طلع بسرعة.
سلوى بصت لنوجه وقالت تفتكري فيه أمل؟
نوجه ضحكت وقالت أنا عمري قولتلك حاجة خيبت يا ستي؟ الست نسيم دي أدب وجمال، وده أكيد هيغيره.
سلوى قالت نوجه ده ابني.
نوجه ضحكت بهزر معاكي يا ستي.
عند عاصف، كان قاعد بيشتغل على اللاب، ودخلت نسيم.
قال ماما كانت بتقولك إيه؟
نسيم قالت هتقول لي إيه يعني؟
عاصف قرب منها وقال أنا محدش يقدر عليا بس إنتِ بتعرفي توقفي قدامي.
نسيم بصت له وسكتت.
وبعد لحظة قالت لو سمحت، ملوش لزوم الكلام ده.
عاصف قال ليه؟ خايفة؟
نسيم قالت وهخاف من إيه؟
عاصف قال خايفة مني؟
نسيم سكتت.
عاصف اتنهد وقال يمكن إحنا الاتنين محتاجين نهدى ونبعد شوية.
نسيم هزت راسها بالموافقة.
عاصف قال طيب كل واحد في أوضة أحسن.
نسيم ابتسمت ابتسامة بسيطة ومشيت ناحية الباب.
قبل ما تطلع، عاصف قال استني.
بصت له.
قال تصبحي على خير.
نسيم قالت وإنت من أهل الخير.
وقفل الباب بعد ما خرجت.
في صباح اليوم التالي، قامت نسيم وابتسمت لما لقت عاصف نايم في نفس الغرفة.
قالت إنت قوم.
عاصف قام وقال فيه إيه؟
نسيم قالت إنت عملت كده ليه؟
عاصف قال أنا مقدرتش.
وبعد لحظة قال على فكرة الجواز ده كان المفروض يكون مؤقت، بس فيه احتمال كبير جدًا ميبقاش كده.
نسيم بصت له بزهول وابتسمت من غير ما تحس.
بعد شوية كانوا بيجهزوا ينزلوا.
عاصف قال عايز أسألك سؤال، بس متزعليش.
نسيم قالت مش هزعل.
قال كنتي عايزة الفلوس ليه؟ تقدري تثقي فيا وتحكيلي.
نسيم اتنهدت وقالت الصراحة فيه موضوع ميستحملش التأجيل أنا كنت عايزة الفلوس علشان حفلة لماجد المهندس في الكويت.
عاصف بصلها بزهول وقال نعم يا أختي؟!
نسيم لسه هترد، سمعوا نوجه بتصرخ سيد عاصف بيه! الحقني!
عاصف جري عليها وقال فيه إيه؟
نوجه قالت بدموع ستي سلوى هانم كانت قاعدة في الجنينة، وفيه واحدة شاورت لها من بعيد. طلعت لبعد السور شوية، وجات عربية وخدوها خطفوها يا بيه.
عاصف اتصدم.
وبعد لحظات جاله اتصال.
رد ألو.
جاله صوت يعرفه كويس مامتك معايا يا عاصف متقلقش. طلق البنت اللي معاك تاخد مامتك.
عاصف اتسعت عينه وقال نفين؟
نفين قالت أيوه أنا يا عاصف.
وأخبرته أنها لن تؤذي والدته، وأنها تريد منه أن يطلق نسيم.
قفلت المكالمة.
عاصف قال بغضب ده إيه الجنان ده؟ دي اتجننت خالص!
نسيم كانت سامعة الكلام وواقفة بارتباك.
عاصف بص لها وقال فيه إيه؟ إنتِ مخبية عني حاجة؟
نسيم بصت لنوجه بخوف.
نوجه قالت بسرعة الأكل على النار عن إذنكم.
ونزلت جري.
نسيم قالت جبانة.
عاصف قال بغضب ردي عليا فيه إيه يا نسيم؟
نسيم اتنهدت وقالت عاصف أنا هحكيلك كل حاجة. أنا أعرف طنط سلوى من زمان، وهي صديقة ماما الله يرحمها. وهي طلبت مني أعمل خدامة هنا، وقالت إنها هتحكيلك حوار الأطفال ده علشان تتجوزني.
عاصف اتصدم وقال إنتِ بتقولي إيه؟ ماما هتعمل كده ليه؟
نسيم قالت علشان هي اكتشفت إن مراتك مخبية عنك إنها مش بتخلف، وإنها عملت عملية قبل الجواز.
عاصف اتصدم أكتر.
نسيم كملت والله مش بكدب عليك يا عاصف ده اللي حصل.
عاصف بصلها بحدة
نسيم نزلت دموعها وقالت ارجوك اسمعني
لكن عاصف قال بغضب إنتِ كدابة بس أنا اللي غلطان إني صدقتك. إنتِ طالق يا نسيم.
قال كده ومشي، ونسيم قعدت تبكي.
عند نفين، كانت قاعدة قصاد سلوى.
سلوى قالت خليهم يسبوني أمشي يا نفين إنتِ أكتر واحدة هتبقى خسرانة في اللي بيحصل ده.
نفين قالت معاكي حق تخافي يا حماتي.
سلوى قالت بغضب لما ابني يسألني عملت كده ليه، هضطر أقوله الحقيقة كلها.
وقبل ما تكمل، وصل عاصف ودخل بغضب.
نفين قالت عاصف حبيبي أنا وطنط كنا لسه في سيرتك.
عاصف قال أنا فعلًا رجعت لعقلي وطلقت نسيم.
نفين ابتسمت.
لكن عاصف كمل وهطلقك إنتِ كمان. إنتِ طالق يا نفين.
نفين اتصدمت وقالت لا يا عاصف اسمعني الأول.
عاصف قاطعها اخرسي. إنتِ كدبتي عليا، وخبيتي عني الحقيقة، وحاولتي تفرقي بيني وبين واحدة ملهاش ذنب.
نفين قعدت تبكي.
عاصف بص لأمه بدموع وقال وإنتِ كمان وجعتيني يا ماما مكنش لازم تخبي عني.
سلوى مشيت معاه وهي بتبكي.
عدى شهر، وكل حاجة فيه اتغيرت.
عاصف بقى يشغل نفسه بأي حاجة علشان ينسى نسيم، وكان طول وقته في الشغل.
أما نسيم فكانت سابت البيت من يوم ما طلقها، ومشافتش عاصف خالص، لكنها كانت كل يوم تسأل عليه والدته.
لحد يوم، نزل عاصف الصبح رايح الشركة.
وقفته والدته وقالت عاصف استنى.
قال نعم يا ماما؟
قالت حبيبي، تعرف مين سأل عليك النهارده كمان؟
عاصف اتنهد،
وكان متأكد إنها نسيم، لكنه قال تاني الموضوع ده يا ماما؟ قولتلك مش عايز أعرف.
سلوى قالت بدموع يا حبيبي أنا السبب. أنا اللي جبتها وقلتلها تعمل خدامة، وأنا اللي اخترعت قصة جدك والورث والحفيد. كنت عايزة أخلصك من نفين بعد ما عرفت الحقيقة. نسيم ملهاش ذنب.
عاصف قال ذنبها إنها خبت عني وخدعتني.
سلوى قالت بسرعة نسيم حامل يا ابني.
عاصف وقف بذهول.
سلوى كملت البنت عايشة لوحدها، وأهلها مقاطعينها
عاصف حاول يخفي فرحته وقال وأنا مالي؟
سلوى قالت عاصف حاول تفكر بعقلك. إيه اللي يخلي بنت صغيرة وجميلة ومن عيلة كويسة تشترك في لعبة زي دي؟ وتغامر بسمعتها وأهلها، وتستحمل كل الإهانات دي؟
عاصف بدأ يفكر.
وفهم أن نسيم لم تكن هي المستفيدة من اللعبة، بل كانت أكثر شخص خسر فيها.
سلوى قالت نسيم بتحبك يا عاصف بتحبك من زمان. كانت تيجي تقعد عندي بالساعات علشان تشوفك وإنت داخل وخارج. كانت بتعشقك من قلبها، وإنت عمرك ما خدت بالك.
عاصف قال بذهول بتحبني؟ نسيم بتحبني؟
سلوى قالت أيوه بتحبك. وأنا اللي استغليت حبها لصالحي.
عاصف ابتسم لأول مرة من قلبه وقال اطمني يا أمي أنا هتصرف. وهرجع مراتي وابني. اديني العنوان.
طلع جري، وركب عربيته، وراح لعنوان نسيم.
كان طول الطريق بيفكر فيها، وفي نظراتها، وفي كل المواقف اللي حصلت بينهم.
بعد شوية وصل بيت نسيم.
دخل ولقاها بتسقي الورد.
قال ممكن أعرف مراتي فين وسط الورد ده؟ لأني مش واخد بالي.
نسيم وقع الإبريق من إيدها وبصت له بذهول.
نزلت دموعها وقالت عاصف
وجريت ناحيته، لكنها وقفت قبل ما توصل وقالت أنا مش مصدقة إنك قدامي.
عاصف قرب منها وقال بدموع ولا أنا مصدق إن فيه واحدة ممكن تحبني بالشكل ده. أنا آسف سامحيني. سبتك لوحدك بعد ما خسرتي كل حاجة بسببي.
نسيم قالت متقولش كده أنا كان لازم أحكيلك. أنا كمان آسفة، خوفت تبعد عني.
عاصف قال الحقيقة الوحيدة إنك بقيتي أهم إنسانة في حياتي. ومش هسمح إنك تخسري تاني بسببي. أوعدك هفضل جنبك وهعوضك عن كل حاجة.
نسيم ابتسمت ودموعها نزلت بفرحة.
قالت دي أمنيتي الوحيدة يا عاصف.
قال بحب كل أمنياتك هحققها. هاخدك من إيدك وأصالحك على أهلك، ومش هخلي نفسك في حاجة حتى حفلة ماجد هتروحيها.
نسيم ضحكت بفرحة.
عاصف ابتسم وقال أيوه كده اضحكي دايمًا يا نسيمي، إنتِ اللي خليتي حياتي جنة.
كنتم مع
بقلمي زهرة الربيع
انتظروا قصة قصيرة خفيفة زيها، ومتنسوش تقولوا رأيكم
زهرتكم تحييكم، ودمتم في أمان الله مع من تحبون
